मुम्बइका फिल्म हल कात्तिक ५ देखि खुल्ने, अक्षयकुमारको ‘सूर्यवंशी’ तिहारमा रिलिज हुँदै – Nepal Press

मुम्बइका फिल्म हल कात्तिक ५ देखि खुल्ने, अक्षयकुमारको ‘सूर्यवंशी’ तिहारमा रिलिज हुँदै

काठमाडौं । आगामी कात्तिक ५ गतेदेखि भारतको मुम्बइस्थित फिल्म हलहरु खुल्ने भएका छन् । मुख्यमन्त्री उद्दव ठाकरेको कार्यालयले ट्वीटमार्फत यस्तो जानकारी दिएको हो ।

कोभिड-१९ मा संक्रमण आएको भन्दै हल खुलाउने निर्णय भएको मुख्यमन्त्री ठाकरेले जनाएका छन् । हल खुलाउने निर्णयसँगै मुख्यमन्त्री कार्यालयले फिल्म हलमा अपनाउनुपर्ने कोभिड संक्रमणविरुद्धको मापदण्ड पनि सार्वजनिक गर्ने तयारी भएको छ ।

हल खुलाउने निर्णय भएको केही घण्टामै अक्षयकुमार स्टारर फिल्म सूयंवंशीको प्रदर्शन मिति घोषणा भएको छ । आगामी तिहारकै अवसरमा सूर्यवंशी प्रदर्शन मिति घोषणा भएको बलिउड ट्रेड एनालिस्ट तरण आदर्शले जनाएका छन् ।

मुम्बईमा हल खुलेपछि यसले नेपाली फिल्म क्षेत्रलाई पनि राहत मिलेको छ । नेपालका वितरक र प्रदर्शक मुम्बईमा हल खुलेपछि ठूलो फिल्म रिलिज हुने र यसले फिल्म क्षेत्रलाई चलायमान बनाउन सघाउ पुग्ने आशामा थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर