ललितपुरविरुद्ध चार खेलमा काठमाडौंको पहिलो जित – Nepal Press
एभरेष्ट प्रिमियर लिग

ललितपुरविरुद्ध चार खेलमा काठमाडौंको पहिलो जित

काठमाडौं । एभरेष्ट प्रिमियर लिग (ईपीएल)मा काठमाडौं किङ्ग्स–११ ले ललितपुर प्याट्रिओट्सलाई पहिलो पटक पराजित गरेको छ । शनिबारदेखि सुरु भएको ईपीएलको चौथो संस्करणको उद्घाटन खेलमा काठमाडौंले ललितपुरलाई सात विकेटले पराजित गरेको हो ।

यसअघिका दुई सिजनमा तीन पटक ललितपुरसँग पराजित भएको काठमाडौंले चौथो संस्करणको पहिलो खेलमा साविक विजेताविरुद्ध शानदार नतिजा निकालेको हो ।

त्रिवि क्रिकेट मैदानमा १ सय ५८ रनको लक्ष्य पछ्याएको काठमाडौंका लागि रायन बर्ल र रहमानुल्लाह गुर्बाजले शानदार इनिङ खेले । ओपनिङमा आएका गुर्बाज ३६ बलमा ४ चौका र ४ छक्कासहित ५९ रनको आक्रामक इनिङ खेलेका थिए ।

यस्तै, ३४ बलमा ३ चौका र ७ छक्कासहित ७३ रनको अविजित इनिङ खेले । यस्तै राजु रिजाल १९ रनमा अविजित रहँदा ओपनर सुवाष खकुरेल शून्य र अमित श्रेष्ठ रनआउट भएका थिए ।

बलिङतर्फ ललितपुरका लागि पवन सर्राफले एक विकेट बाहेक अन्य बलरले विकेट लिन सकेनन् ।

टस हारेर ब्याटिङको निम्तो पाएको ललितपुरका लागि पवन सर्राफले ६२ रनको अर्धशतकीय इनिङ खेलेका थिए ।

काठमाडौंका लागि जितेन्द्र मुखियाले चार र गुल्शन झाले दुई विकेट लिएका थिए ।


प्रतिक्रिया

Leave a Reply

Your email address will not be published. Required fields are marked *