आफ्नो टिकटक सेयर गरेको निहुँमा प्रहरी कार्यालयभित्रै गाउँपालिका उपाध्यक्षद्वारा पत्रकारलाई हातपात
कालिकोट। शुभकालिका गाउँपालिका उपाध्यक्ष तथा न्यायिक समिति संयोजक पम्फाकुमारी शाहीले प्रहरी कार्यालय कालिकोटभित्रै पत्रकार ललित विष्टलाई हातपात गरेकी छन् ।
रेडियो नयाँ कर्णाली एफएमका प्राविधिक ललित विष्टलाई उपाध्यक्ष शाहीले आफूले राखेको कृषिमन्त्री कुर्मराज शाहीको टिकटकको समाचार साभार र सेयर गरेको भन्दै प्रहरी कार्यालय भित्रै मुक्का प्रहार गरेकी हुन् ।
उपाध्यक्ष शाहीले पत्रकार विष्टलाई प्रहरी कार्यालयभित्र छलफलका लागि बोलाएर मुद्दा फाँटको ढोकामा प्रवेश गर्दैगर्दा हातपात गरेकी थिइन् । ‘समाचार लेख्ने तै होस्’ भन्दै प्रहरीकै अगाडि उनले मुक्का हानेकी हुन् ।
उपाध्यक्ष शाहीले आफ्नो टिकटकमा रोमान्टिक गीतसहित मन्त्री शाहीको तस्बिर हालेकी थिइन् । उक्त विषयमा नेपाल प्रेसले समाचार प्रकाशित गरेपछि स्थानीय सञ्चारमाध्यमले साभार गरेका थिए ।
यो पनि पढ्नुस्:
हावा नचली पात हल्लिन्दैन । यो कर्णालीका कृषि मन्त्री कुर्मराज शाही त पतित नै हो ।