ईश्वर पोखरेलको आरोप- पार्टी फुटाएर माधव नेपालले अपराध गरे (भिडिओ)

काठमाडौं । नेकपा एमालेका महासचिव ईश्वर पोखरेलले पार्टी फुटाएर माधव नेपालले बेइमानी मात्रै होइन, अपराध गरेको बताएका छन् । आज नेकपा एमाले विशेष प्रदेश कमिटीले आयोजना गरेको कार्यकर्ता भेलालाई सम्बोधन गर्दै महासचिव पोखरेलले विपक्षी एवम् विरोधीसँग मिलेर माधव नेपालले पार्टी फुटाएर अपराध गरेको बताएका हुन् ।

विगतमा पनि पार्टी विभाजनका घटना भएको भन्दै उनले पार्टी फुटाउने कसैको पनि राजनीतिक भविष्य राम्रो नभएको उनको भनाइ छ । ढिलोचाँडो अहिले पार्टी फुटाउनेले पनि पछुताउनुपर्ने भन्दै उनले माधव नेपालले अक्षम्य गल्ती गरेको बताए ।

‘प्रतिकुलतासँग लडेरै यहाँ आइपुगेका हौं, आगामी दिनमा पनि प्रतिकुलतासँग जुध्नसक्ने आँट चाहिन्छ’, पोखरेलले भने, ‘हाम्रो पार्टी स्वर्गमा बनेको होइन, यहाँ असल–खराब दुवै छन् ।’