राष्ट्रसंघीय जलवायु सम्मेलनका दूत काठमाडौं भ्रमणमा आइपुगे
नेपाल प्रेस
२०७८ असोज ७ गते १५:३६
काठमाडौं । प्रशान्त तथा दक्षिण एसियाली क्षेत्र हेर्ने राष्ट्रसंघीय जलवायु सम्मेलन कोप-२६ का राजदूत केन ओ फ्लार्टी दुई दिने भ्रमणका लागि काठमाडौं आइपुगेका छन् ।
४० दिनपछि बेलायतको ग्लास्गोमा आयोजना हुन लागेको सम्मेलनमा भाग लिने मुलुकका प्रतिनिधिसँग पछिल्लो तयारीबारे छलफल गर्न उनी आइपुगेको काठमाडौंस्थित बेलायती दूतावासले जनाएको छ ।
आजै उनले वन तथा वातावरण मन्त्रालयमा आयोजना गरिएको छलफलमा सहभागिता जनाए । सो अवसरमा उनले जलवायु संकटसँग जुध्न नेपाललाई ५० बिलियन डलर बराबरको सहायता परिचालन हुनुपर्ने धारणा राखे ।
बुधबार काठमाडौं आइपुगेका राजदूत फ्लार्टीले बेलायती राजदूत निकोला पोलिटसँग नेपालले कोप-२६ सम्मेलनमा भाग लिन गरिरहेको तयारीबारे समेत बुझेका थिए ।
नेपाल प्रेस
प्रकाशित: २०७८ असोज ७ गते १५:३६
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
