पदकबारे ओलीको प्रश्न- संविधान दिवस बाबु र श्रीमतीको मुख हेर्ने दिन हो ? (भिडिओ) – Nepal Press

पदकबारे ओलीको प्रश्न- संविधान दिवस बाबु र श्रीमतीको मुख हेर्ने दिन हो ? (भिडिओ)

काठमाडौं । नेकपा एमालेका अध्यक्ष केपी शर्मा ओलीले राज्यले बाँड्ने विभूषण र पदकहरु सत्ता गठबन्धनका नेता, तीनका परिवार र एमाले सरकारविरुद्ध निरन्तर लागेका मिडियाकर्मी तथा वकिलहरूलाई बाँडिएको आरोप लगाएका छन् ।

संविधान दिवसका अवसरमा पार्टीले आयोजना गरेको कार्यक्रममा अध्यक्ष ओलीले झलनाथ खनालदेखि प्रचण्ड पत्नीसम्मले पाएको पदकको बारेमा समेत प्रश्न उठाए ।

ओलीको प्रश्न थियो, ‘संविधान दिवस भनेको पिताको मुख हेर्ने दिने हो ? श्रीमतीको मुख हेर्ने दिन हो ? यिनले बाँडेका मानपदवी देख्नुभयो नि ? मलाई चाहिँदैन भन्थे, आफ्नाहरूलाई बाँड्नका लागि डाडूपुन्यु समातेका रहेछन् ।’

ओलीले एमाले नेतृत्वको सरकारले गरेका विकासका कामको निरन्तर विरोध गरेर खेदो खन्ने मिडियाका मालिक र मिडियाकर्मीहरूलाई छानी छानी मानपदवी बाँडेको आरोप लगाए ।

त्यस्तै अदालतमा मुद्दा हाल्ने झगडिया, जिताइदिने न्यायाधीशलगायतलाई पदक बाँडिएको आरोप समेत उनले लगाए ।

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर