काठमाडौं उपत्यकामा थपिए ३९७ संक्रमित

काठमाडौं । पछिल्लो २४ घण्टामा शुक्रबार काठमाडौं उपत्यकामा ३९७ जनमा थप कोरोनाभाइरस संक्रमण पुष्टि भएको छ । जसमा काठमाडौंमा २७४ जना, भक्तपुरमा ५३ जना र ललितपुरमा ७० जना छन् ।

उपत्यकामा हालसम्म ६,४४४ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ । जसमा काठमाडौंमा ३,५५२ जना, भक्तपुरमा १,०६८ जना र ललितपुरमा १,८२४ जना छन् ।

काठमाडौं उपत्यकामा मात्र ३,२०९ जनाले ज्यान गुमाइसकेका छन् । उपत्यकामा एक सातादेखि संक्रमित हुनेको संख्या स्थिर छ ।

एक साता अघि १५ जिल्लामा ५०० भन्दा बढी संक्रमित थिए भने अहिले घटेर ११ वटा जिल्लामा मात्र छन् । २० जिल्लामा भने २०० भन्दा बढी संक्रमित कायमै छन् ।