सेप्टेम्बर ११ आक्रमणको २० औं वर्षगाँठमा बाइडेनद्वारा राष्ट्रिय एकताको आह्वान

वासिङ्टन । सन् २००१ सेप्टेम्बर ११ मा अमेरिकामा भएको आतंकवादी आक्रमण घटनाको पीडितलाई स्मरण गर्दै राष्ट्रपति बाइडेनले राष्ट्रिय एकताको लागि आह्वान गरेका छन् ।

आक्रमणको २० औं वर्षगाँठको पूर्वसन्ध्यामा एक भिडिओ सन्देश जारी गर्दै बाइडेनले उक्त घटनामा ज्यान गुमाउने २९७७ जनाप्रति श्रद्धाञ्जली समेत व्यक्त गरे ।

आक्रमणसँग जुधेका अमेरिकी नागरिकलाई सम्बोधन गर्दै उनले भने, ‘हामी ती व्यक्तिहरुलाई सम्मान गर्छौं जसले मिनेट, घण्टा, महीना र वर्षौपछि पनि आफ्नो ज्यान दिए ।’

नेपाल समयानुसार मध्यरात (अमेरिकामा दिउँसो)मा सेप्टेम्बर ११ को आक्रमणलाई स्मरण गर्दै श्रद्धाञ्जली कार्यक्रम राखिएको छ । राष्ट्रपति बाइडेनले सो अवसरमा घटना भएका तीनवैट ठाउँमा पुगेर घटनाको स्मरण गर्ने तयारी छ ।

उनले अमेरिकी मुसलमानविरुद्धको डर र रिस, सद्भाव र हिंसाजस्ता मानवीय स्वभावलाई अँध्यारो पक्षसँग तुलना गर्दै एकता नै अमेरिकाको बलियो तत्व रहेको बताए ।

यात्रुवाहक चारवटा जहाजलाई अपहरण गरेर अफगानिस्तानबाट अलकायदाका लडाकुहरुले आत्मघाती आक्रमण गराएका थिए । जसमध्ये दुई जहाजलाई ट्वीट टावरमा ठोक्काइएको थियो । अर्को जहाजलाई राजधानी वासिङ्टनस्थित पेन्टागन भवनमा हानिएको थियो । अर्को जहाज पेन्सिलभेनियमा दुर्घटना भएको थियो ।