शुक्रबार कोभिड संक्रमणबाट २१ जनाको मृत्यु, ११ सय संक्रमित थपिए – Nepal Press

शुक्रबार कोभिड संक्रमणबाट २१ जनाको मृत्यु, ११ सय संक्रमित थपिए

काठमाडौं । पछिल्लो २४ घण्टामा शुक्रबार मुलुकमा ११ सय ४६ जना कोरोनाभाइरस संक्रमित थपिएका छन् । १० हजार ९१६ वटा नमूना (पीसीआर ८,५४९ र एन्टीजेन २,३६७) परीक्षण गर्दा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार सोही अवधिमा २१ जनाको मृत्यु भएको छ भने १६ सय ६० जना डिस्चार्ज भएका छन् ।

गत २४ घण्टामा २९ हजार १८९ जनाले कोभिड–१९ विरुद्धको खोप लगाएका छन् ।

हालसम्म मुलुकमा २७ हजार ९५८ जना सक्रिय संक्रमित रहेको मन्त्रालयले जनाएको छ ।

नेपालमा कूल ७ लाख भन्दा बढी कोरोनाभाइरस संक्रमित छन् भने १० हजार ९२४ जनाले ज्यान गुमाएका छन् ।

अहिलेसम्म आईसीयूमा ४५८ जना, भेन्टिलेटरमा १४५ जना, होम आइसोलेशनमा २६,२९६ जना, संस्थागत आइसोलेशनमा १,६६२ र क्वारेन्टाइनमा २५२ जना रहेको तथ्यांकमा उल्लेख छ ।

मन्त्रालयको अनुसार नेपालमा कोरोनाभाइरसको संक्रमणदर १०.४ प्रतिशत छ भने मृत्युदर १.५ प्रतिशत छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर