तालिबान सरकारप्रति अमेरिकी चासो, भन्यो : मन्त्रीको पृष्ठभूमिलाई लिएर हामी गम्भीर छौं – Nepal Press

तालिबान सरकारप्रति अमेरिकी चासो, भन्यो : मन्त्रीको पृष्ठभूमिलाई लिएर हामी गम्भीर छौं

तालिबान गृहमन्त्री नै अमेरिकी प्रतिबन्धको सूचीमा

काबुल । पुरुषहरुको दबदबा रहेको तालिबानको नयाँ अफगान सरकारका अनुहारहरु कुनैबेला अमेरिकी सुरक्षाकर्मीमाथिको आक्रमणमा संलग्न भएको पाइएको बताउँदै अमेरिकाले यसप्रति गम्भिर चासो व्यक्त गरेको छ ।

अन्तरिम सरकारको नेतृत्व गरेका मुल्लाह मोहम्मद हसन अखुन राष्ट्रसंघको प्रतिबन्धको सूचीमा छन् । मन्त्रिपरिषद्का अर्का सदस्य सिराजुद्दिन हक्कानी एफबीआईको सूचीमा छन् ।

तीन साताअघि यो इस्लामिक कट्टरपन्थी समूहले निकै तीव्ररुपमा अफगानिस्तानको राजधानीलाई नियन्त्रणमा लिएको थियो । त्यसयता अफगानिस्तानमा महिलाहरुले निरन्तर प्रदर्शन गरिरहेका छन् ।

तालिबान सैनिकले ती महिला प्रदर्शनकारीविरुद्ध हिंसाको प्रयोग नगरेपनि अर्थतन्त्रलाई स्थायित्व तुल्याउने तथा अन्तर्राष्ट्रिय वैधानिकता पाउने कुरामा चुनैति खेपिरहेको छ ।

तालिबानले यसअघि महिलासहितको समावेशी सरकार गठन गर्ने घोषणा गरेको थियो । मंगलबार विज्ञप्ति जारी गर्दै अमेरिकी विदेश मन्त्रालयले मन्त्रिमण्डलमा सामेल केही नामहरु र महिलाको सहभागिता नभएको विषयप्रति गम्भिर चासो व्यक्त भएको जनाएको थियो ।

‘हामी केही व्यक्तिहरुको विगतको संलग्नता र पृष्ठभूमिलाई लिएर गम्भिर छौं’ विदेश मन्त्रालयले भनेको छ ।

साथै, अमेरिकाले तालिबानको शब्दभन्दा व्यवहारको आधारमा संगत गर्ने जनाएको छ । साथै, काबुलबाट विदेशी नागरिक र अफगानहरुलाई सुरक्षितरुपमा देश छाड्न दिनको लागि तालिबानले गरेको प्रतिबद्धता पूरा गर्न दबाब दिइरहने उल्लेख छ ।

‘साथै, अफगानको भूमि अन्य विदेशीहरु प्रयोग हुन दिने छैनौं भन्ने प्रतिबद्धताको पनि स्मरण गराउन चाहन्छौं । विश्वले नजिकबाट नियालिरहेको छ’ विदेश मन्त्रालयले भनेको छ ।

तालिबानका सर्वोच्च नेता मलावी हेबतुल्ला अखुनजादाले मंगलबार सरिया कानून लागू गर्न सरकारलाई निर्देशन दिएका छन् ।

तालिबानले घोषणा गरेको नयाँ गृहमन्त्री अमेरिकी प्रतिबन्धको सूचीमा छन् । गृहमन्त्री (इन्टेरियर मिनिस्टर) सशष्त्र लडाकु समूह हक्कानी नेटवर्कका प्रमुख थिए ।

तालिबानको नियन्त्रणमा रहेको उक्त सशष्त्र समूह सन् २०१७ मा डेढसयभन्दा बढीको ज्यान जाने गरी भएको ट्रक बम विस्फोटमा जिम्मेवार मानिन्छ । अलकायदासँग पनि हक्कानी नेटवर्कको राम्रो सम्बन्ध रहेको बताइन्छ ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर