अटो गाडीसहित ७५ लाख मूल्यको औषधि बरामद
![](https://www.nepalpress.com/wp-content/uploads/2020/11/nepalpress-logo-n.png)
२०७८ भदौ १९ गते १५:३४
![](https://www.nepalpress.com/wp-content/uploads/2021/09/aushadi-baramad.jpg)
जनकपुरधाम । सिरहाको लहान नगरपालिका–१९ कटहा चौकबाट प्रहरीले अटो गाडीसहित ७५ लाख रुपैयाँभन्दा बढीको औषधी बरामद गरेको छ ।
इलाका प्रहरी कार्यालय लहानबाट खटेको प्रहरी टोलीलाई देखेर लु १ स ८००७ नम्बरको अटोलाई छाडेर चालक भागेका थिए । उक्त अटोमा खानतलासी गर्दा औषधीहरु बरामद भएको प्रहरीले जनाएको छ ।
औषधीहरू रिकल केटु–सेभेन १५ कार्टुन, ओथोकल ट्याब्लेट १० कार्टुन र केयरकल ट्याब्लेट औषधि ५ कार्टुन बरामद भएको छ । उक्त औषधीहरु ७५ लाख ५६ हजार ८०० बराबरको रहेको छ ।
भारतीय बजारबाट भन्सार छलेर ल्याएको उक्त औषधीहरु र अटो विहान करिब २ बजे बरामद गरिएको प्रहरीले जनाएको छ ।
प्रतिक्रिया