महिलासहितको समावेशी सरकार बनाउन आग्रह गर्दै काबुलमा प्रदर्शन – Nepal Press

महिलासहितको समावेशी सरकार बनाउन आग्रह गर्दै काबुलमा प्रदर्शन

काबुल । आगामी सरकारमा महिलाको सहभागिता सुनिश्चित गर्न माग गर्दै महिला र नागरिक समाजका सदस्यहरुले शुक्रबार काबुलस्थित अफगान राष्ट्रपति कार्यालयअघि प्रदर्शन गरेका छन् ।

नयाँ सरकारमा महिलाहरुको भूमिकाबारे तालिबानले केही निर्णय गर्न नसक्दा हेरत र काबुलमा यस्तो प्रदर्शन भएको हो । प्रदर्शनमा सहभागि महिलाहरुले राजनीति र निर्णय अधिकारमा महिलाहरुको सहभागिता गराउन समेत आग्रह गरेका छन् ।

काबुल र्‍यालीमा सहभागि महिलाहरुले दुई दशकमा हासिल भएका उपलब्धीलाई संरक्षण गर्न र राजनीतिक, सामाजिक तथा आर्थिक अधिकार सुनिश्चित गर्न तालिबान र अन्तर्राष्ट्रिय समुदायको ध्यानाकर्षण गराएका छन् ।

‘महिलाको सक्रिय भूमिकाबिना कुनै पनि समाजले प्रगति गर्न सक्दैन’ नागरिक समाजकी अभियन्ता नारानोम सैदीले भनिन्, ‘यसकारण सरकार र मन्त्रिपरिषद्मा महिलाको राजनीतिक सहभागितालाई सुनिश्चित गर्नुपर्छ ।’ साथै, महिला अभियन्ताहरुले दुई दशकमा प्राप्त उपलब्धीलाई जोगाउनेको लागि आफ्नो अडानलाई बलियो तुल्याउन तथा आफ्ना कामहरु सुचारु गर्नको लागि आग्रह गरेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर