गर्भपतनलाई रोक्ने सर्वोच्चको फैसलापछि अमेरिकाको टेक्ससमा अधिकारवादीहरुको प्रदर्शन – Nepal Press

गर्भपतनलाई रोक्ने सर्वोच्चको फैसलापछि अमेरिकाको टेक्ससमा अधिकारवादीहरुको प्रदर्शन

बाइडेनले भने : गर्भपतनको संवैधानिक अधिकारमा प्रतिबद्ध छौं

वासिङ्टन । अमेरिकी सर्वोच्च अदालतले ६ महीनापछिको गर्भपतनमा रोक लगाउने टेक्सस राज्यको एक कानूनमाथि प्रतिबन्ध नलगाउने फैसला सुनाएको छ ।

उक्त कानून खारेजीको माग गर्दै दायर गरिएको याचिकामा मत बाझिएपछि न्यायाधीशहरुबीच बहुमतको आधारमा मतदान भएको थियो । बिहिबार ५ जना न्यायाधीश फैसलाको पक्ष र अन्य चारजना विपक्षमा बाँडिएका थिए ।

यो बहुचर्चित कानून आगामी बुधबारदेखि लागू हुँदैछ र यसले टेक्सस राज्यमा ६ महीना पछाडिको गर्भपतनलाई पूर्णतः वर्जित गर्नेछ । रिपब्लिकन गभर्नर ग्रेग एबर्टले हस्ताक्षर गरेको उक्त कानूनले चिकित्सकले गर्भवती महिलाको परीक्षण गर्दा हुने मुटुको चाल र गर्भवती महिलाले आफू गर्भवती भएको थाहा पाएपछि गर्भपतन गर्न रोक लगाउने उल्लेख छ ।

तर, अधिकारवादी संस्थाहरुले भने सन् १९७३ मा सर्वोच्च अदालतले गरेको फैसलाको नजिरको आधारमा यस्तो प्रतिबन्धलाई अनुमति नदिइएको दावी गरिरहेका छन् ।

तर, फैसलाको पक्षमा रहेका बहुमत न्यायाधीशले चाहिँ टेक्सस राज्यको संविधानअनुसार फैसला नभएको जनाएका छन् । गर्भपतन पक्षका अधिकारवादीहरुले अदालतको फैसलापछि सर्वोच्च अदालतबाहिर प्रदर्शन गर्दै आएका छन् ।

तर, राष्ट्रपति जो बाइडेन प्रशासनले चाहिँ गर्भपतन गर्न पाउने संवैधानिक अधिकारको रक्षामा आफू प्रतिबद्ध रहेको बताएको छ । सन् १९७३ को रोय भी वेडेको नजिरमा अदालतले दिएको गर्भपतन गर्न पाउने आदेशको समेत ह्वाइट हाउसले ध्यानाकर्षण गराएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर