करिश्माले नेपाल भित्राइन् विश्वचर्चित इलेक्ट्रोनिक ब्रान्ड इन्टेक्स, फिल्मसँगै व्यवसायलाई अघि बढाउने घोषणा (भिडियो)

काठमाडौं । नायिका करिश्मा मानन्धर फिल्मसँगै व्यवसायमा पनि सक्रिय भएकी छिन् । चर्चित अन्तर्राष्ट्रिय इलेक्ट्रोनिक्स ब्रान्ड इन्टेक्सलाई नेपाल भित्राउँदै करिश्माले व्यवसायको थालनी गरेकी हुन् । करिश्माको कम्पनी रिसिक टेडिङ कन्सर्न प्रालिले यो ब्रान्ड भित्र्याएको हो ।

उक्त कम्पनीकी म्यानेजिङ डिरेक्टर समेत रहेकी मानन्धरले घरायसी रुपमा प्रयोग हुने इलोक्ट्रोनिक्स सामान खरिद गर्दा उपभोक्ताले अबदेखि यो ब्राण्डलाई नै रोज्नेमा आफु विश्वस्त रहेको समेत बताइन् । बुधबार राजधानीमा आयोजित प्रेसमिटमा करिश्मा र उनकी छोरी कविताले संयुक्तरुपमा ब्रान्डको घोषणा गरे ।

इक्टेक्स कम्पनीले परिवारका लागि आवश्यक पर्ने इलोक्ट्रोनिक्सका सामानहरु बिश्व बजारमा उपलब्ध गराउदै आएको छ । २५ वर्ष अघिबाट यस ब्राण्डका सामानहरु विश्व बजारमा आएपनि नेपालमा भने होम अप्लायन्स र स्मल होम अप्लायन्सका सामान आधिकारिक रुपमा पहिलो पटक नेपाल भित्रिएको हो ।

८ वर्ष अघि यस कम्पनीले उत्पादन गरेको मोवाइल नेपाल भित्रिएको र सन २०१५ मा नेपाल र भारतमा नम्वर एक ब्राण्डको रुपमा स्थापित भएको थियो । क्वालिटी र गुणस्तरमा प्रश्न उठाउने ठाउँ नरहेको इन्टेक्स ब्राण्डका अन्तराष्ट्रिय व्यापार प्रमुख विश्वास अग्रवालले बताएको छ । रिसिककी म्यानेजिङ डाइरेक्टर समेत मानन्धरले घरायसी रुपमा प्रयोग हुने इलेक्ट्रोनिक्स सामान खरिद गर्दा उपभोक्ताको रोजाई इन्टेकमा हुने विश्वास गरेको सुनाइन् ।