अर्घाखाँचीमा पहिरोले घर पुरिँदा बालिकाको मृत्यु – Nepal Press

अर्घाखाँचीमा पहिरोले घर पुरिँदा बालिकाको मृत्यु

रूपन्देही । अर्घाखाँचीमा पहिरोले घर पुरिँदा एक बालिकाको मृत्यु भएको छ भने तीन जना घाइते भएका छन् ।

पाणिनी गाउँपालिका वडा नम्बर ७ अडगुरीमा पहिरोमा पुरिएर जीवलाल सुनारकी ९ वर्षकी छोरी झरनाको मृत्यु भएको जिल्ला प्रहरी कार्यालय अर्घाखाँचीका प्रहरी नायव उपरीक्षक अम्बरबहादुर थापाले जानकारी दिएका छन् ।

निरन्तरको वर्षापछि गएराति खसेको पहिरोले सुनारको घर पुरेको हो । पहिरोमा परेर जीवलालका छोरा र दुई जना छिमेकी घाइते भएका छन् ।

स्थानीय मेडिकलमा उपचार गराइरहेका उनीहरुको अवस्था सामान्य रहेको प्रहरीले जनाएको छ । केही दिनयता निरन्तर परेको वर्षाले सदरमुकाम सन्धिखर्कबाट अन्य पालिकामा जोड्ने मुख्य तथा सहायक मार्ग अवरुद्ध भएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर