प्रदेश सांसद शान्तिले अन्तिममा छाडे माधवको साथ, एमाले रामेछापको अध्यक्षमा पुनर्वहाली हुँदै – Nepal Press

प्रदेश सांसद शान्तिले अन्तिममा छाडे माधवको साथ, एमाले रामेछापको अध्यक्षमा पुनर्वहाली हुँदै

रामेछाप । नेकपा एमाले रामेछापका जेठ २ अघिका अध्यक्ष शान्तिप्रसाद पौडेलले अन्तिम घडीमा माधव नेपालको साथ छाडेका छन् । प्रदेशसभा सदस्यहरूले नेकपा एसको पक्षमा सनाखत गर्ने बेलामा उनी हेटौंडा नगइ रामेछापतर्फ लागेका छन् ।

पौडेलले आजसम्म पनि एमालेमै रहने कि नेकपा एसमा जाने भन्ने निर्णय गर्न सकेका थिएनन् । उनले दुवैतिर मन्त्रीको बार्गेनिङ गरिरहेको बताइएको थियो । तर, १० बुँदे सहमति कार्यन्वयन भएर आफू एमालेको अध्यक्षको भूमिकामा फर्किन पाइने भएपछि पौडेलले माधव समूह छाडेका हुन् ।

उनी जिल्लामा हाल एमालेको अध्यक्ष रहेका आनन्द श्रेष्ठलाई सम्पर्क गरेर आफू पार्टी बैठक बोलाउन मन्थली आउन लागेको जानकारी गराएका थिए । आजै एमाले रामेछापले आयोजना गरेको कार्यक्रममा अध्यक्ष श्रेष्ठले एकताको पक्षमा उभिने सबैले पूर्ववत जिम्मेवारी पाउने भन्दै आफू पार्टी बलियो बनाउनका लागि सचिवको भूमिकामा फर्किन तयार रहेको बताएका छन् ।

पौडेल एमाले रामेछापको अध्यक्ष थिए । नेकपा एकतापछि माओवादीले अध्यक्ष पाउँदा उनी सचिव थिए । एमाले ब्युँतिएपछि उनी माधव नेपाल समूहमा थिए भने एमालेले पुस ५ पछि नै तत्कालीन नेकपा ओली पक्षको अध्यक्ष आनन्द श्रेष्ठ र सचिव पुरुषोत्तम कडरियालाई बनाएको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर