एमाले र जसपा छाड्ने प्रदेश र स्थानीय जनप्रतिनिधिलाई भदौ २२ सम्मको सीमा – Nepal Press

एमाले र जसपा छाड्ने प्रदेश र स्थानीय जनप्रतिनिधिलाई भदौ २२ सम्मको सीमा

काठमाडौं । निर्वाचन आयोगले नवगठित दल रोज्ने प्रदेश र स्थानीय तहका जनप्रतिनिधिका लागि भदौ २२ सम्मको समय दिएको छ ।

निर्वाचन आयोगको बैठकले राजनीतिक दलसम्बन्धी दोस्रो अध्यादेशअनुसार जनप्रतिनिधिलाई एमाले र जसपा छोड्न २२ भदौसम्मको म्याद दिने निर्णय गरेको हो ।

अब एमाले र जसपाका प्रदेश सांसद र स्थानीय तहका जनप्रतिनिधिले नेकपा एकीकृत समाजवादी लोकतान्त्रिक समाजवादी पार्टी (लोसपा) रोज्न पाउने भएका छन् र त्यसवापत एमाले र जसपाले कसैलाई कारवाही गर्न पाउने छैन ।

एमाले र जसपाबाट निर्वाचित प्रदेशसभा सदस्य तथा स्थानीय तहका सदस्यले नयाँ गठन भएको दलमा प्रवेश गर्न चाहेमा प्रदेशसभा सदस्यले सम्बन्धित प्रदेश निर्वाचन कार्यालयमा र स्थानीय तहका सदस्यले सम्बन्धित जिल्ला निर्वाचन कार्यालयमा कार्यालय समयभित्र स्वयं उपस्थित भइ सनाखत गर्नुपर्ने उल्लेख गरिएको छ।

आयोगले भदौ ९ मा एकीकृत समाजवादी र लोसपालाई नयाँ दलको मान्यता दिँदै दर्ता प्रमाणपत्र उपलब्ध गराएको थियो ।

प्रतिक्रिया

Leave a Reply

Your email address will not be published.