एनफिल्डमा चेल्सीको बहादुरीपूर्ण प्रदर्शन – Nepal Press

एनफिल्डमा चेल्सीको बहादुरीपूर्ण प्रदर्शन

एजेन्सी । तीव्र र सानदार प्रदर्शनमार्फत चेल्सीले लिभरपुललाई उसकै मैदान एनफिल्डमा कठिन चुनौति पेश गरेको छ । खेलको मध्यान्तरमै १० खेलाडीमा समेटिए पनि चेल्सीले लिभरपुलबाट अंक खोस्न सफल रह्यो ।

प्रिमियर लिगका महाशक्तिबीचको प्रतिस्पर्धामा लिभरपुल पूर्ण रुपमा दवावमा देखिएको थियो । तर, च्याम्पियन्स लिग विजेता चेल्सीभन्दा संगठित प्रदर्शन गर्न सफल रहे । सायद यो बराबरीले लिभरपुल सन्तुष्ट रहनेछ । दुवै टोलीलाई यो सिजन लिगको मुख्य दावेदारका रुपमा हेरिएको छ ।

२२ औं मिनेटमा काई हाभेर्टर्जले गोल गरेपछि पाहुना टोली चेल्सीले अग्रता बनाएको थियो । पहिलो हाफको इन्जूरी समयमा चेल्सीका रिस जेम्सले रातो कार्ड पाए भने लिभरपुललाई पेनाल्टीको अवसर दिइयो ।

जोएल माटिपको प्रहार बारमा लागेर फर्किएपछि रिबाउण्ड बलमा साडियो मानेले गरेको प्रहारलाई जेम्सले हातले रोकेर गोल बचाएका थिए । भिडियो असिस्टेन्ट रेफ्रीको सहायताबाट रेफ्री एन्थोनी टेलरले पेनाल्टी र रातो कार्डको प्रयोग गरेका हुन् ।

प्रतिक्रिया

Leave a Reply

Your email address will not be published. Required fields are marked *