युभेन्टसले भन्यो– रोनाल्डो बेच्छौं तर, हाम्रो सर्तमा

एजेन्सी । इटलीयन महारथी क्लब युभेन्टसले पोर्चुचि सुपरस्टार क्रिष्टियानो रोनाल्डोलाई बेच्न तयार रहेको तर आफ्ना सर्तहरु पूरा हुनुपर्ने बताएको छ ।

३६ वर्षीय रोनाल्डोको युभेन्टससँगको सम्झौता अझै १ वर्ष बाँकी छ । सिरी ए नयाँ सिजनको पहिलो खेलमै बेन्चमा राखिएपछि उनको भविश्यबारे बिभिन्न अड्कलबाजी सुरु भएको थियो ।

रोनाल्डोका एजेन्ट जर्ज मेन्डेसले म्यानेस्टर सिटी र पेरिस सेन्ट जर्मेइन् पीएसजीजस्ता युरोपका प्रमुख क्लबहरुसँग कुराकानी भइरहेको संकेत गरेका छन् ।

म्यानचेस्टर सिटीले रोनाल्डोलाई अनुबन्ध गर्ने सोच त बनाएको छ तर औपचारिक रुपमा कुनै प्रस्ताव गरिसकेको छैन ।

दुई वर्षअघि स्पेनिस महारथी क्लब रियल मड्रिडबाट ९९.२ मिलियन पाउण्डमा रोनाल्डोले युभेन्टससँग ३ वर्षको सम्झौता गरेका थिए ।