भिरनदीप र प्रसन्नाले चितवनबाट ईपीएल खेल्ने
नेपाल प्रेस
२०७८ भदौ १० गते १७:२१
काठमाडौं । अर्को महिना काठमाडौंमा हुने एभरेष्ट प्रिमियर लिग (ईपीएल)को चौथो संस्करणका लागि चितवन टाइगर्सले श्रीलंकाली सिकुगे प्रसन्ना र मलेसियन ब्याट्सम्यान भिरनदीप सिंहलाई अनुबन्ध गरेको छ ।
आगामी असोज ९ गतेदेखि २३ सम्म त्रिवि क्रिकेट मैदानमा हुने ईपीएलका लागि दुवै खेलाडी नेपाल आउने निश्चित भएको ईपीएलले सामाजिक सञ्जालमार्फत जानकारी दिएको छ ।
२२ वर्षीया विकेटकिपर ब्याट्सम्यान भिरनदीपले २५ टी–२० आई, ५ लिस्ट ए, २५ टी–२० क्रिकेट खेलिसकेका छन् ।
यस्तै, ३६ वर्षीया अलराउन्डर प्रसन्नाले १ टेस्ट, ४० ओडीआई, २० टी–ट्वान्टी आर्य, ११३ फस्र्ट क्लास क्रिकेट, १६७ लिस्ट ए क्रिकेट र १७० टी–२० खेलेका छन् ।
नेपाल प्रेस
प्रकाशित: २०७८ भदौ १० गते १७:२१
प्रतिक्रिया
सम्बन्धित खवर
