गीत हिट भएपछि ‘सम्झिनी पानी छम्किनी’ नाममा कमेडी फिल्म निर्माण घोषणा – Nepal Press

गीत हिट भएपछि ‘सम्झिनी पानी छम्किनी’ नाममा कमेडी फिल्म निर्माण घोषणा

काठमाडौं । कुनै पनि गीत हिट भएपछि त्यसको सिरिज बनाउने क्रम बढेको छ । तर, गायक तथा मोडल सम्राट चौलागाँइले भने आफ्नो हिट गीत ‘सम्झिनी पानी छम्किनी’को नाममा फिल्म नै बनाउने तयारी गरेका छन् ।

एक महिना अगाडि सार्वजनिक भएको यो गीतको तीज भर्सनलाई दर्शकले मन पराएका छन् । यो गीतलाई हालसम्म १ करोड भन्दा बढीले हेरिसकेका छन् । यसअघि यो गीतको पहिलो भाग पनि हिट भएको थियो ।

गीत हिट भएपछि गायक चौलागाँइले चलचित्र बनाउने तयारी गरेका हुन् । यो चलचित्रलाई निर्देशक विक्रम स्वाँरले निर्देशन गर्ने भएको छ । गायक चौलागाँइले अनलाइनखबरसँग भने–‘दर्शकले यो गीतलाई निक्कै मन पराउनुभयो । सम्झिनी पानी छम्किने भन्ने लय दर्शकको मुखमा झुन्डिएको छ । यसैले, अब हामीले यही नाममा चलचित्र बनाउने तयारी गरेका हौं । अहिले चलचित्रको स्क्रिप्ट लेख्ने काम सुरु भएको छ ।’

सम्राटका अनुसार, यो चलचित्रलाई कमेडी जनरामा निर्माण गरिनेछ । म्यूजिक भिडियो मेकिङमा समेत कुनै संझौता नगर्ने सम्राटले चलचित्रमा पनि मल्टिस्टारर कलाकार लिने बताएका छन् । कोरोना कहर कम भएर छायांकनका लागि अनुमती पाएपछि चलचित्रको कामलाई अझै तिव्रता दिने उनको भनाई छ ।


प्रतिक्रिया

Leave a Reply

Your email address will not be published. Required fields are marked *