कांग्रेसका ३ जिल्ला सभापति र २ युवा नेता अनसन बस्दै
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/congress-savapati-dharna-1.jpg)
काठमाडौं । क्रियाशील सदस्यता सूची सार्वजनिक लगायतका माग राखेर नेपाली कांग्रेसका जिल्ला सभापतिहरु आजदेखि रिले अनसनमा बस्ने भएका छन् ।
संस्थापन इतर समूहका जिल्ला सभापतिहरुले यसअघि मंगलबार कांग्रेस केन्द्रीय कार्यालय सानेपामा धर्ना दिएका थिए । आफ्ना माग पूरा गराउने विषयमा पार्टी नेतृत्वले चासो नदेखाएको भन्दै ३ जिल्लाका सभापति र २ युवा नेता आज अनसनमा बस्न लागेका हुन् ।
नेपाली कांग्रेस नुवाकोटका सभापति जगदीश्वर नरसिंह केसी, काभ्रे जिल्ला सभापति मधु आचार्य, धादिङ जिल्ला सभापति रमेश धमला तथा युवा नेताद्वय रञ्जित कर्ण र डिल्लीराम सुवेदी अनसनमा बस्न लागेका हुन् ।
पूर्व सभासद कर्ण र नेविसंघ पूर्व उपाध्यक्ष सुवेदी सबल कांग्रेसका लागि युवा अभियानमा आवद्ध छन् । रिले अनसन २४ घण्टे हुने जनाइएको छ । माग पूरा गर्न उदासीन भए आमरण अनसनसम्म सुरु गर्ने चेतावनी जिल्ला सभापतिहरुले दिएका छन् ।