दीपाश्रीको बर्थडेमा धमलाको व्यंग्य : मिडियाले दीपक-दीपालाई भन्दा ओलीका कुरालाई हाइलाइट गरे !

काठमाडौं । सन्दर्भ थियो अभिनेत्री तथा निर्देशक दीपाश्री निरौलाको बर्थडे सेलिव्रेसन । अतिथि थिए दीपकराज गिरीसहितका हाँस्य कलाकार । यही बीचमा पत्रकार ऋषि धमला पनि अतिथिको रुपमा त्यहाँ पुगे ।

दीपा र दीपकसँग निकट पत्रकार धमलाले उक्त हाँस्यजोडीलाई जमेर प्रशंसा गरे । धमलाले सोही अवसरमा एमाले अध्यक्ष केपी शर्मा ओलीको प्रसंग पनि घुसाए । उनले ओलीलाई हाँस्यकलाकार भएको बताए ।

‘दीपक र दीपाको लागि ओली भगवान होइनन्’ धमलाले भने, ‘ आज दीपक र दपिाश्रीको कुरा भन्दा पनि केपी ओलीको कुरा बढी फोकस हुन्छ र समाचार बनिरहेको छ ।’ उनले दीपक-दीपाश्रीभन्दा ओलीको ठट्यौलीलाई समाचार बनाउने मिडियाप्रति उछितो काढे ।

गाइजात्राको दिन पनि परेकाले कमेडियन राजा राजेन्द्रले धमलाकै क्यारिकेचरमा निकै हँसाए । दीपाश्रीको ४६ औं जन्मदिन मनाउन सो अवसरमा रेडियो अडियोले बर्थडे कार्यक्रमको आयोजना गरेको थियो ।