तालिवानद्वारा डेढसय भारतीयलाई नियन्त्रणमा, थप विवरण आउने क्रम जारी

काबुल । झन्डै १५० भारतीय नागरिकसहितका विदेशीलाई तालिबान लडाकुले काबुल विमानस्थलको गेटमा नियन्त्रणमा लिएको जनाइएको छ न्यूज एन्जेसीहरु एनी र एनडीटीभीका अनुसार यसबारे थप विवरण प्राप्त हुने क्रम जारी छ ।

नियन्त्रणमा लिइएकामा भारतीय नागरिकसहित अफगानी शिख समुदायका व्यक्तिहरु समेत रहेको जनाइएको छ । भारतको विदेश मन्त्रालयबाट यसबारे औपचारिक प्रतिक्रिया आइसकेको छैन ।

नियन्त्रणमा लिइएकाहरु आज बिहानै काबुल विमानस्थलमा छिर्ने प्रयास गरेपनि तालिवान लडाकुहरुले बाहिरै रोकेका थिए । सो क्रममा केही तालिबान लडाकुले भारतीय नागरिकलाई कुटेको पनि जनाइएको छ ।

भारतीय एयरफोर्सको विमानले ८५ जना भारतीलाई काबुल एयरपोर्टबाट उद्दार गरेको केही घण्टामै यस्तो घटना भएको जनाइएको छ । अहिले काबुल विमानस्थलमा भारतको अर्को जहाज पनि उद्दारका लागि पुगेको जनाइएको छ ।