बजाज पल्सर एभरेष्ट प्रिमियर लिग हिमालय टिभी र ओएसआर स्पोर्ट्समा प्रत्यक्ष प्रशारण

काठमाडौं । आगामी असोजमा हुने बजाज पल्सर एभरेष्ट प्रिमियर लिग (ईपीएल)को प्रत्यक्ष प्रशारण हिमालय टेलिभिजन र ओएसआर स्पोट्स युट्युब च्यानलबाट हुने भएको छ । कोरोना भाइरसका कारण दुई वर्षपछि धकेलिएको ईपीएलको चौथो संस्करण असोज ९ गतेदेखि २३ गतेसम्म त्रिवि क्रिकेट मैदानमा हुनेछ ।

यसअघि २०१९ को डिसेम्बरमा हुने तय भएको ईपीएलको चौथो संस्करणको प्रत्यक्ष प्रशारण डी–स्पोर्ट्सले गर्ने बताइएको थियो ।

तर, शुक्रबार आयोजकले पत्रकार सम्मेलन गर्दै आगामी संस्करण हिमालयन टेलिभिजन र ओएसआरले प्रत्यक्ष प्रशारण गर्ने जानकारी दिएको हो ।

कीर्तिपुरस्थित त्रिवि क्रिकेट मैदानमा १५ दिनसम्म चल्ने प्रतियोगितामा ६ फ्रेन्चाइज–भैरहवा ग्लाडिएटर्स, चितवन टाइगर्स, विराटनगर वारियर्स, ललितपुर प्याट्रिओट्स, पोखरा राइनोजले प्रतिस्पर्धा गर्नेछन् । अन्तिम संस्करणको फाइनलमा भैरहवा ग्लाडिएटर्सलाई पराजित गर्दै ललितपुर प्याट्रिओट्सले उपाधि उचालेको थियो ।