पाँचपोखरी पुग्ने ताङ्गु खोलामा झोलुङ्गे पुल निर्माण

सिन्धुपाल्चोक । पाँचपोखरी थाङपाल गाउँपालिका-३ मा रहेको पवित्र धार्मिक तथा पर्यटकीयस्थल पाँचपोखरीसम्म पुग्न ताङ्गु खोलामा झोलुङ्गे पुल निर्माण गरिएको छ ।

गाउँपालिकाका अध्यक्ष टासी लामा र उपाध्यक्ष सुनिता अधिकारीले ७८ मिटर लामो सो पुलको विहीबार शुभारम्भ गर्दै पूर्वाधार विकासमा गाउँपालिकाले उच्च प्राथमिता दिएको बताए।

वडा नं ३ का वडाध्यक्ष ङिमा छिरिङ तामाङले तीर्थयात्रीको सहजताका लागि पुलबाट सहजत हुने विश्वास व्यक्त गरे । गाँउपालिकाले कोरोनाको कारण यस वर्ष मेला स्थगन गरेको छ ।

क्षेत्रगत झोलुङ्गे पुल कार्यक्रम र गाँउपालिकाको आर्थिक सहयोग गरी ४४ लाखमा पुल सम्पन्न भएको गाउँपालिकाका प्रमुख प्रशासकीय अधिकृत दिनेशकुमार पोखरेलले जानकारी दिए ।रासस