चापाकोटका मेयरलाई अदालतले बोलायो, विद्यालय व्यवस्थापन समिति गठनमा मनपरी
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/rameshwor-prasad-bhandari.jpg)
काठमाडौं । उच्च अदालत पोखराले स्याङ्जाको चापाकोट नगरपालिकामा मापदण्डविपरित विद्यालय व्यवस्थापन समिति गठन गरेको सन्दर्भमा छलफल गर्न मेयर शिव कुमार गिरीलाई बोलाएको छ ।
मापदण्ड विपरित गठित विद्यालय व्यवस्थापन समिति खारेज गर्न माग गर्दै चिनुमाया श्रेष्ठसहितले रिट दायर गरेका थिए । रिटमाथि सुनुवाइ गर्दै न्यायाधीश रमेशप्रसद राजभण्डारीको एकल इजलासले अन्तरिम आदेश दिने सन्दर्भमा विपक्षीलाई झिकाएको हो ।
अदालतले अन्तरिम आदेशको सन्दर्भमा दुवै पक्षलाई राखेर छलफल गर्न भदौ ९ गतेको लागि पेशी तोकेको छ । रिट निवेदकको पक्षबाट अधिवक्ता युवराज पराजुली र राजाराम घिमिरेले वहस गरेका थिए ।
यस अघि चापाकोट नगरपालिका आफैले बनाएको शिक्षा ऐन मिचेर विद्यालय व्यवस्थापन समिति गठन गरेको विरोधमा चापाकोट १० बोटेटारको जनज्योति माविका अभिभावहरुले विद्यालयमा तालाबन्दी गरेका थिए ।