मच्छिन्द्र क्लबले एकेडेमी संचालन गर्ने

काठमाडौं । शहीद स्मारक ‘ए’डिभिजन लिग च्याम्पियन मच्छिन्द्र क्लबले पिस प्वाइन्ट स्कूलसँगको समन्वयमा ‘मच्छिन्द्र पीस प्वाइन्ट एकेडेमी’ संचालन गर्ने भएको छ ।

आइतबार सातदोबाटोस्थित एन्फा कम्प्लेक्समा दुई पक्षबीच ६ वर्षको लागि सम्झौता भएको हो ।

संचालनको पहिलो वर्ष क्लबका र स्कुलबाट ७र७ जना एकेडेमीमा सामेल हुनेछन् । दोस्रो वर्ष क्लबले सात खेलाडी थप्नेछ र खेलाडी संख्या २१ बनाउनेछ । खेलाडीहरूले प्रशिक्षणसँगै पढाइ पनि जारी राख्ने छन् ।

एकेडेमी संचालन गर्ने मच्छिन्द्र पाँचौ क्लब भएको छ । यसअघि संकटा, सातदोबाटो, न्यूरोड र मनाङ मर्स्याङदी क्लबले एकेडेमी संचालन गरिसकेका छन् । तीन विभागीय टोली पनि एकेडेमी संचालन गर्न सहमत भएको एन्फाले जनाएको छ ।