कोरोनाविरुद्ध तरुण दलको जनचेतना अभियान (तस्बिरहरू)

काठमाडौं । नेपाली कांग्रेसनिकट युवा संगठन नेपाल तरुण दलले कोभिड-१९ महामारीविरुद्ध जनचेतनामूलक अभियान संचालन गरेको छ ।

काठमाडौं महानगरका विभिन्न नगर समितिसँगको सहकार्यमा गरिएको कार्यक्रममा मास्कको अनिवार्य प्रयोग गर्न, साबुनपानीले हात धुन, कोरोनाविरुद्धको खोप लगाउन सचेत गराइएको छ ।

अभियानका टोलीले काठमाडौंको कोटेश्वर, बानेश्वर, गोंगबु, चाबहिललगायत ठाउँमा जनचेतनामूलक कार्यक्रम गर्दै पैदल र गाडीका यात्रुलाई मास्कसमेत वितरण गरेको थियो ।