माथि लाखसम्म जरिवाना तिराउने सूचना, मुनी फोहाेरको डंगुर (तस्बिरहरु)
काठमाडौं । राजधानीका मुख्य सडकमा अहिले जताततै फोहाेरको डंगुर देख्न सकिन्छ । कतिपय ठाउँमा त फोहाेर फालेमा ५ सयदेखि ५ हजारसम्मको जरिवाना तिर्नुपर्ने सूचनाका मुनी नै फोहरको चाङ छ ।
यसपाली काठमाडौंका मुख्य ठाउँबाट उठ्न नसक्नुमा नुवाकोटको सिसडोलका स्थानीयको आन्दोलनले भने होइन । यसपाली फोहाेर नउठ्नुको कारण संघीय सरकारले बनाएको ल्याण्डफिल्ड साइट काठमाडौं महानगरपालिकालाई हस्तान्तरण नगर्नु हो ।
महानगरका अनुसार अहिले सिसडोलको ल्याण्डसाइट भरिएको छ । र, यसको विकल्पमा बनेको बन्चरे डाँडा सेनेटरी ल्याण्डफिल्ड संघीय सरकारले महानगरलाई हस्तान्तरण गरेको छैन् ।
पानी पर्ने मौसम र कोभिड–१९को संक्रमण तीव्र गतिमा फैलिरहेको अवस्थामा राजधानीको मुख्य सहरमा यसरी फोहाेरको दुर्गन्ध जताततै भएकाले थप रोगको संक्रमणको जोखिम बढेको स्वास्थ विज्ञले बताउँदै आएका छन् ।
हेर्नुस् तस्वीरमा राजधानीको मुटुमा फोहरको डंगुरः
प्रकाशित: २०७८ साउन ३० गते १८:१२
