एमाले नेताविरुद्ध लुम्बिनी प्रदेश प्रमुख सचिवालयको धम्कीपूर्ण वक्तव्य – Nepal Press

एमाले नेताविरुद्ध लुम्बिनी प्रदेश प्रमुख सचिवालयको धम्कीपूर्ण वक्तव्य

काठमाडौं । लुम्बिनी प्रदेश प्रमुखको सचिवालयले नेकपा एमालेका सांसद तथा प्रदेश कमिटी अध्यक्ष लिला गिरीको नाम किटेर धम्कीपूर्ण वक्तव्य जारी गरेको छ ।

प्रदेश प्रमुख अमिक शेरचनको सचिवालयबाट नारायणप्रसाद आचार्यले जारी गरेको वक्तव्यमा प्रदेश प्रमुख संवैधानिक पद भएकाले आइन्दा तुच्छ आरोप नलगाउन चेतावनी दिइएको छ ।

गिरीले विज्ञप्ति जारी गर्दै एमाले सांसद विमला वली र अजय शाहीलाई गठबन्धनको सदस्य बनाएर गरिएको माग दाबीका आधारमा प्रदेश प्रमुखले मुख्यमन्त्री नियुक्त गरेको भन्दै अपात्ति जनाएका थिए ।

सो विज्ञप्तिको प्रतिवादमा प्रदेश प्रमुखको सचिवालयले शुक्रवार जारी गरेको विज्ञप्तिमा प्रदेश सभा सदस्यहरु कुन पार्टीका हुन् र कसले कुन पार्टी प्रवेश गरे भन्ने कुरा प्रदेश प्रमुखको कार्यालयको क्षेत्राधिकारमा नपर्ने उल्लेख छ ।

विज्ञप्तिमा भनिएको छ– एउटा पार्टीका सदस्यलाई अर्को पार्टीमा सामेल गर्ने र पार्टी परिवर्तन गर्ने गरिएको विगतका उदाहरणप्रति पनि लिला गिरीजीको ध्यान नपुगेको हो कि ? पार्टी परिवर्तन गर्ने र नगर्ने विषय नितान्त राजनीतिक व्यक्तिहरुको सरोकारको विषयसँग प्रदेश प्रमुखलाई आरोपित गर्नु पुर्वाग्रहको तुच्छ र अति निन्दनीय कार्य भएको यस सचिवालय ठान्दछ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर