सेलेव्रिटीले लगाए कोभिडविरुद्धको खोप (तस्विरहरु)

काठमाडौं । फिल्म तथा संगीत क्षेत्रका सेलेव्रिटीलाई कोभिड-१९ विरुद्धको खोप लगाउन सुरु गरिएको छ । आइतबार पाटन खोप केन्द्रमा सेलेव्रिटीले भेरोसेल खोपको पहिलो मात्रा लगाए ।

चलचित्र विकास बोर्डको समन्वयमा आयोजना गरिएको खोप लगाउन कलाकार, प्राविधिक, निर्माता, निर्देशकदेखि जनजाति फिल्मकर्मी खोप केन्द्र पुगेका थिए ।

धिरेन शाक्य, पल शाह, दुर्गेश थापासहित दर्जनौं कलाकारले खोप लगाए । कतिपय फिल्मकर्मीले चाहिँ यसअघि नै खोप लगाइसकेका छन् । बोर्ड अध्यक्ष दयाराम दाहालका अनुसार तीन हजारभन्दा बढी फिल्मकर्मीलाई खोप लगाउने कार्यक्रम छ ।

खोप लगाउन सकिए फिल्म गतिविधिलाई पनि लयमा फर्काउन सकिने आशामा विकास बोर्ड छ । अहिले फिल्म गतिविधि पूर्णरुपमा ठप्प छ ।
तस्विरहरु : उमेश कार्की