म्यानचेस्टर सिटीलाई स्तब्ध पार्दै लेस्टरले जित्यो कम्युनिटी शिल्ड
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/man-city-vs-leicester-city.jpg)
एजेन्सी । सब्स्टिच्युड खेलाडी केलेची इहेनेचोले खेलको अन्त्यतिर पेनाल्टीमा गोल गरेपछि म्यानचेस्टर सिटीलाई स्तब्ध पार्दै लेस्टर सिटीले कम्युनिटी शिल्डको उपाधि जितेको छ ।
पछिल्लो सिजनको प्रिमियर लिग र एफए कप विजेताबीचको यो प्रतिस्पर्धा पेनाल्टी शुटआउटमा पुग्ने अनुमान थियो । तर, नियमित समय सकिनु १ मिनेटअघि सिटीका नाथान अकेले लेस्टरका इहेनाचोलाई बक्सभित्र लडाएपछि पाएको पेनाल्टीलाई उनैले आत्मविश्वासका साथ गोल गर्न सफल रहे ।
यसै साता कीर्तिमानी १ सय मिलियन पाउण्डमा अनुबन्ध भएका ज्याक ग्रेलिसले खेलको ६५ औं मिनेटमा सिटीका लागि डेब्यू गरे । तर परिवर्तित सिटी टिमबाट खेल्दा उनले स्पष्ट अवसर पाएनन् ।
अघिल्लो सिजन सिटीले प्रिमियर लिगको उपाधि जितेको थियो भने एफए कपमा लेस्टर च्याम्पियन बनेको थियो ।