भौतिक रूपमा परीक्षाभन्दा विद्यार्थीको स्वास्थ्य महत्वपूर्ण : सांसद चौधरी

काठमाडौं । नेपाली कांग्रेसका सांसद विनोद चौधरीले कोरोना महामारीको जोखिम उच्च रहेका बेला भौतिकरूपमा परीक्षा लिने निर्णय पुनर्विचार गर्नुपर्ने बताएका छन् ।

नेपाललगायत छिमेकी मुलुकहरूमा कोरोना महामारीको जोखिम बढिरहेकाले अत्यन्तै सावधान र सचेत रहनुपर्ने चौधरीको भनाइ छ । सामाजिक सञ्जालमार्फत उनले अभिभावकका लागि आफ्ना सन्तानको स्वास्थ्यभन्दा ठूलो केही नरहेको समेत उल्लेख गरेका छन् ।

‘यस्तो बेला अनावश्यक जोखिम लिनु बुद्धिमानी हुँदैन । जीवन रहे पढाइ र परीक्षाका लागि अवसर आउँछन् नै । त्यसैले भौतिकरूपमै परीक्षा सञ्चालन गर्ने निर्णयमा तत्काल पुनर्विचार गरिनु आवश्यक छ, यसमा कत्ति अबेर नगरौं’, चौधरीले भनेका छन् ।