ओलम्पिक महिला फुटबलमा कांस्यका लागि अमेरिका र अष्ट्रेलिया भिड्दै

एजेन्सी । ३२ औं ग्रिष्मकालीन ओलम्पिकको आज १३ औं दिन १२ खेलका २७ स्पर्धाको फाइनल हुँदैछ । महिला फुटबलमा क्यानडासँग अप्रत्यासित हार ब्यहोरेको पूर्व च्याम्पियन अमेरिकाले तेस्रो स्थानका लागि आज अष्ट्रेलियासँग खेल्दैछ । अष्ट्रेलिया भने सेमिफाइनलमा स्वीडेनसँग हारेको हो ।

आज एथलेटिक्सको पुरुष ट्रिपल जम्प, शटपुट, ११० मिटर हर्डल्स, २० किलोमिटर रेस वाक, ४०० मिटर र डेकाथोलन तथा महिलातर्फ पोलभल्ट र हेप्टाथोलनमा स्वर्णका लागि प्रतिस्पर्धा हुँदैछ ।

बक्सिङमा पुरुष फिदरमा फाइनल खेल हुनेछ । क्यानोई स्प्रिन्टतर्फ पुरुष के–वान २०० मिटर, महिला सी–वान २०० मिटर, महिला के–वान ५०० मिटर र पुरुष के–टू १००० मिटरमा स्वर्णको प्रतिस्पर्धा हुनेछ ।

डाइभिङमा महिला १० मिटर प्ल्याटफर्म, पुरुष हकी, कराँते महिला काता, महिला कुमुते ५५ केजीमूनि र पुरुषतर्फ ६७ केजीमूनिको फाइनल आजै हुँदैछ । पुरुषको म्याराथन पौडी, स्केटबोर्डिङमा पुरुष पार्क, स्पोर्ट क्लाइम्बिङमा पुरुषतर्फको फाइनल पनि आज हुनेछ ।

टेवल टेनिसको महिला टिमm तथा कुस्तीको महिला तर्फ ५७ केजी र पुरुषतर्फ ५७ र ८६ केजीको फाइनल स्पर्धा आज हुनेछ ।

पदक तालिकामा चीनको अग्रता यथावत छ । चीनले ३२ स्वर्णसहित ७० पदक जितेको छ भने अमेरिकाले २५ स्वर्णसहित ७९ पदक जितेको छ । जापानले २१, बेलायत र अष्ट्रेलियाले १५–१५ स्वर्ण जितेका छन् । रुस ओलम्पिक कमिटीले १४ स्वर्ण जितेको छ ।