ओमानमा हुने ट्राइ सिरिजका लागि १९ जना बन्द प्रशिक्षणमा छनौट

काठमाडौं । नेपाल क्रिकेट संघ (क्यान) ले आईसीसी विश्व कप लिग -२ अन्तर्गत नेपालले ओमान र अमेरिकासँग खेल्न १९ जना खेलाडीलाई बन्द प्रशिक्षणका  लागि बाेलाएकाे  छ ।

ओमानमा हुने नेपाल, ओमान र अमेरिका बीचको त्रिकोणात्मक एकदिवशीय अन्र्तराष्ट्रिय सिरिजमा सहभागी हुने नेपाली राष्ट्रिय क्रिकेट टिमको बन्द प्रशिक्षणको १९ खेलाडीलाई बोलाएको हो ।

त्रिकोणात्मक एकदिवसीय अन्तर्राष्ट्रिय सिरिजका लागि क्यानले ज्ञानेन्द्र मल्ल, दीपेन्द्र सिंह ऐरि , कुशल भुर्तेल , आसिफ सेख , गुलशन झा, आरिफ सेख , कुशल मल्ल, विनोद भण्डारी, करण केसी, सोमपाल कामी, सन्दीप लामिछाने, कमल सिंह ऐरि, अविनाश बोहरा, साहब आलम, सुशान भारी, शरद भेषवाकर,विक्रम सोव , पवन सर्राफ, र रोहित कुमार पौडेललाई बन्द प्रशिक्षणको लागि बोलाएको छ ।

पूर्व कप्तान पारस खडकाको नाम बन्द प्रशिक्षणमा समाबेश भएतापनि उनले मंगलबारअन्तर्राष्ट्रिय क्रिकेटबाट सन्न्यासको घोषणा गरेकोले बन्द प्रशिक्षणमा सहभागी नहने क्यानका सचिव अशोकनाथ प्याकुरेलले बताए ।