बीपी प्रतिष्ठानको संघर्ष समिति र सरकारी वार्ता टोलीबीच ६ बुँदे सहमति, आन्दोलन स्थगित – Nepal Press

बीपी प्रतिष्ठानको संघर्ष समिति र सरकारी वार्ता टोलीबीच ६ बुँदे सहमति, आन्दोलन स्थगित

काठमाडौं । संयुक्त संघर्ष समिति र सरकारी वार्ता टोलीबीच ६ बुँदे सहमति भएपछि धरानको बीपी कोइराला स्वास्थ्य विज्ञान प्रतिष्ठानमा जारी आन्दोलन स्थगित भएको छ ।

सहमतिसँगै आजदेखि गर्ने भनिएको सबै आन्दोलनका कार्यक्रम स्थगित भएको छ । सरकारी वार्ता टोलीका संयोजक डा. कृष्णप्रसाद पौडेलका अनुसार सहमतिपछि पूर्वनिर्धारित आन्दोलनका कार्यक्रम स्थगित भएको छ ।

यसअघि प्रतिष्ठानका कूलपति एवं प्रधानमन्त्री शेरबहादुर देउवालाई संघर्ष समितिले माग पुरा गर्न ७२ घण्टे अल्टिमेटम दिएको थियो ।

सहमति अनुसार मंगलबार बुझाइएको छानविन समितिको प्रतिवेदन सार्वजनिक गरी कार्यान्वयनका लागि स्वास्थ्य तथा जनसंख्या मन्त्रालयमा एक महाशाखा तोक्ने, चारैजना पदाधिकारीलाई पदबाट हटाउन सकिने व्यवस्थामा उल्लेखित प्रक्रिया आजैबाट सुरु गर्ने, प्रतिष्ठानमा पदाधिकारी नियुक्तिका लागि मापदण्ड कायम गर्ने लगायत छन् ।

हेर्नूस सूची :

प्रतिक्रिया

Leave a Reply

Your email address will not be published. Required fields are marked *

सम्बन्धित खवर