वीर अस्पतालको प्रमुखमा डा. रुद्र मरासिनी नियुक्त

काठमाडौं । कोभिड युनिफाइड केन्द्रिय अस्पताल (वीर)को प्रमुख प्रशासकीय अधिकृतमा डा. रुद्र मरासिनी नियुक्त भएका छन् ।

स्वास्थ्य मन्त्रालयले सोमबार राज्यमन्त्रीस्तरिय निर्णय गर्दै मरासिनीलाई वीर अस्पतालको प्रमुखमा नियुक्त गरेको हो । उनी भरतपुर अस्पतालको मेडिकल सुपरिटेन्डेन्ट समेत थिए ।

उनी वरिष्ठ हाडजोर्नी रोग विशेषज्ञ रहेको जनाइएको छ ।

अहिले उनी राष्ट्रिय ट्रमा सेन्टरमा कार्यरत थिए । सरकारले सोमबार मात्रै वीर अस्पतालका प्रमुख डा. जागेश्वर गौतमलाई हटाएर थापाथलीको प्रसूति तथा स्त्रीरोग अस्पतालमा सरुवा गरेको थियो ।

मरासिनीले मंगलबारदेखि नै कार्यभार सुरु गर्ने जनाइएको छ ।