सिरियलहरु धमाधम : ‘रिसानी माफ ३’ अर्कोसातादेखि, धतुरे बाले ल्याए फस्टलुक

काठमाडौं । निषेधाज्ञा खुकुलो भएसँगै टेलिभिजन सिरिज निर्माण र प्रसारणमा तीव्रता छाएको छ । गत महीनासम्म बन्द रहेका सिरिजहरुले प्रसारण आरम्भ गरेका छन् ।

टिभी सिरिज ‘क्या जमाना आ’ को दोस्रो सिजन सुरु भएको छ । सिरिजले फस्टलुक पोस्टर लन्च गरेको छ ।

धतुरे बाको नामले चर्चित सीपी पुडासैनीको लेखन तथा निर्देशन रहेको सिरियलमा शेखर चापागाइँ, केशव सापकोटा, सीताराम दाहाल, जगदिश अधिकारी लगायतको अभिनय छ ।

अर्को हाँस्य सिरियल ‘रिसानी माफ’को तेस्रो सिजन साउन २२ गते शुक्रबारदेखि सुरु हुने भएको छ । कोरोनाको दोस्रो लहर रोकथामका लागि जारी निषेधाज्ञाले सिरियल बन्द थियो ।

रामचन्द्र अधिकारी, यादव देवकोटा, नेत्र राउत, मेलिना ठकुरी लगायतले यो सिरियलमा अभिनय गरेका छन् ।