एनआरएनए अष्ट्रेलियाको अध्यक्षमा गुरुङ निर्वाचित

काठमाडौं । गैरआवासीय नेपाली संघ (एनआरएनए) अष्ट्रेलियाको अध्यक्षमा नन्द गुरुङ निर्वाचित भएका छन् । महासचिवमा राजबाबु अधिकारी विजयी भएका छन् ।

सचिवमा सन्ध्या शाह, कोषाध्यक्षमा अनिल पोखरेल, सहकोषाध्यक्षमा राजकुमार नगरकोटी, युवा संयोजकमा बबिन मिश्र, महिला संयोजकमा मञ्जु मिश्र निर्वाचित छन् ।

एनसीसी उपाध्यक्ष तथा अस्ट्रेलियन क्यापिटल क्षेत्रको संयोजकमा अशोक बस्नेत, न्यू साउथ वेल्सको संयोजकमा देवबहादुर गुरुङ, नर्दन क्षेत्रको संयोजकमा विष्णु चापागाईं, क्विन्सल्याण्डको संयोजकमा विनोद भक्त आचार्य, दक्षिण अष्ट्रेलियाको संयोजकमा रेनुका लामा र तास्मानिया संयोजकमा राकेश शाक्य विजयी भएका छन् ।

भिक्टोरियाको संयोजकमा हरि खड्का र पश्चिम अष्ट्रेलियाको संयोजकमा दीपक बस्नेत निर्विरोध चयन भएका छन् । शनिबार राती चुनाव भएको थियो ।