नेपाललाई खोप दिन बेलायतलाई कमेडियन माइकल पालिनको आग्रह – Nepal Press

नेपाललाई खोप दिन बेलायतलाई कमेडियन माइकल पालिनको आग्रह

लन्डन । विश्व प्रख्यात हाँस्यकलाकार माइकल पालिनले नेपाललाई जतिसक्दो चाँडो कोभिड-१९ विरुद्धको खोप वितरणका लागि बेलायतलाई आग्रह गरेका छन् ।

अभिनेता पालिन र एमनेस्टी इन्टरनेसनलले बुधबार संयुक्त विज्ञप्ति जारी गर्दै पहिलो डोज अस्ट्राजेनेका खोप लगाएका १४ लाख नेपाली नागरिकलाई दोस्रो डोज आवश्यक भएकाले उपलब्ध गराउन आग्रह गरेका छन् ।

‘नेपाल भ्रमणका क्रममा धेरै मान्छे भेटेपछि मैले लाखौं मानिसहरु महामारीको जोखिममा रहेको देखेँ’ उनले भनेका छन्, ‘म बेलायत सरकारलाई जतिसक्दो चाँडो कोभिडको खोप उपलब्ध गराउन आग्रह गर्न चाहन्छु ।’

एमनेस्टी इन्टरनेसनलका महासचिव एग्नेस कालामार्डले बेलायतले ५० प्रतिशतलाई खोप लगाइसकेको र नेपालले ५ प्रतिशतलाई पनि खोप लगाउन नसकेको अवस्थामा नेपाललाई तत्काल खोप आपूर्ति गर्न माग गरेका छन् ।

बेलायती अभिनेता जोआना लुम्लेले पनि नेपाललाई खोप उपलब्ध गराउन भन्दै बेलायत सरकारलाई आग्रह गरेकी थिइन् ।


प्रतिक्रिया

Leave a Reply

Your email address will not be published. Required fields are marked *