कैलालीमा लागूऔषधसहित दुईजना पक्राउ
नेपाल प्रेस
२०७८ साउन ६ गते १३:५२
कैलाली । कैलालीमा लागूऔषधसहित दुईजना पक्राउ परेका छन् । पक्राउ पर्नेमा भजनी नगरपालिका ७ चर्रा बस्ने ३० वर्षीय दिनेश चमार र कञ्चनपुरको पुनर्वास नगरपालिकापालिका ११ का २२ वर्षीय केशर राई रहेको जिल्ला प्रहरी कार्यालय कैलालीले जनाएको छ ।
चमारलाई भजनी नगरपालिका १ मा रहेको मोहन्याल सामुदायिक वन नजिकबाट लागूऔषध खैरो हिरोइन ५ ग्रामसहित पक्राउ गरिएको जिल्ला प्रहरी कार्यालय कैलालीका प्रवक्ता एवं प्रहरी नायव उपरीक्षक प्रतीक बिष्टले बताए ।
राईलाई धनगढी उपमहानगरपालिका ३ भन्सार नजिक नाइट्रोभेट ३० ट्याब्लेट र स्पास १६ ट्याब्लेटसहित पक्राउ गरी थप अनुसन्धान भइरहेको उनले बताए ।
नेपाल प्रेस
प्रकाशित: २०७८ साउन ६ गते १३:५२
प्रतिक्रिया
सम्बन्धित खवर
