जापानद्वारा देउवालाई बधाई, महामारीविरुद्ध सघाउने जापानी प्रतिबद्धता

काठमाडौं । जापानले कोभिड-१९ महामारीविरुद्ध नयाँ सरकारसँग मिलेर काम गर्ने जनाएको छ ।

संसदबाट विश्वासको मत लिइसकेपछि प्रधानमन्त्री शेरबहादुर देउवालाई बधाई दिँदै राजदूत किकुता युकुताले महामारीविरुद्ध जापान नेपालको साथमा रहेको बताएका हुन् ।

जापानी दूतावासद्वारा जारी विज्ञप्तिमा राजदूतले सफल कार्यकालको शुभकामना समेत दिएका छन् ।

सन् २०२२ मा नेपाल र जापानबीचको सम्बन्ध १२० औं वर्षगाँठको रुपमा मनाइने उल्लेख गर्दै राजदूतले देउवाको कार्यकालमा नेपाल-जापान सम्बन्ध थप प्रगाढ हुने जनाएका छन् ।

जापानले यसैसाता घोषणा गरेको १६ लाख डोज आस्ट्राजेनेका खोप चाँडै ल्याउने समेत उनले जनाएका छन् ।