दैलेखमा श्रीमतीद्वारा श्रीमानको हत्या

सुर्खेत । दैलेख जिल्लामा एक महिलाले आफ्नै श्रीमानको हत्या गरेकी छिन् ।

जिल्ला प्रहरी कार्यालय दैलेखका अनुसार साउन एक गते नारायण न.पा. ११ टाटामाकु डाडा टोल बस्ने वर्ष ३५ का खगेन्द्र मल्ललाई निजको श्रिमती वर्ष ३३ की सुशिला मल्लले घरमा भएको किला ठोक्ने काठको मुङग्रोले टाउकोमा हानी हत्या गरेको जाहेरी परेको थियो ।

सोही जाहेरीका आधारमा प्रहरीले सुशिलालाई नियन्त्रणमा लिएको छ भने घटना बारे थप अनुसन्धान गरिरहेको जिप्रका दैलेखले जनाएको छ ।