राजेश हमाल र पत्नी मधु म्युजिक भिडिओमा सँगै !
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/07/rajesh-hamal-madhu.jpg)
काठमाडौं । निषेधाज्ञा खुकुलो भएपछि अहिले कलाकार धमाधम सांगीतिक भिडिओमा व्यस्त हुन थालेका छन् । यस्तोमा अभिनेता राजेश हमालको हातमा पनि केही म्युजिक भिडिओ छन् ।
रोचक कुरा, हमाल मात्र हैन, पत्नी मधु पनि अहिले म्युजिक भिडिओमा देखिन थालेकी छिन् । विहे अघि केही म्यागजिनमा मोडलिङ गरेको अनुभव पनि छ मधुलाई । हमालकै आग्रहमा मधुले पनि भिडिओमा मोडलिङ गरेकी छिन् ।
मधु र आफूले भिडिओमा मोडलिङ गरेको जानकारी हमालले सामाजिक संजालमार्फत दिएका छन् । ‘काम सँगसँगै’ हमालले फेसबुकमा लेखेका छन् । मधुले पनि हमाललाई यस्तो काममा साथ दिएकी छिन् ।
निषेधाज्ञा खुकुलो भएपछि हमाललाई लिएर केही म्युजिक भिडिओको छायांकन धमाधम भैरहेको छ ।