अमेरिकामा एक नेपालीबाट अर्का नेपालीको गोली हानी हत्या

काठमाडौं । अमेरिकामा एक नेपालीले अर्का एक नेपाली युवकलाई गोली प्रहार गरि हत्या गरेका छन् । न्युजर्सीको ग्यास स्टेसनमा नेपालीबाट नेपालीकै हत्या भएको हो । २४ वर्षिय मिलन घिमिरेले सोही स्टेसनमा काम गर्ने ५६ बर्षका फु छेवाङको गोली हानेका हुन् ।

सोमबार राती पौने १० बजे गोली चलाएर उक्त हत्या गरिएको थियो । सोमबार राती घटनापछि प्रहरी केहीबेरमै घटनास्थल पुगेको थियो ।

तर, प्रहरीले चाहिँ उक्त घटना ग्याँस स्टेसनमा नभई घरमा नै भएको जनाएको छ । घिमिरे आफैले घटनापछि प्रहरीलाई फोन गरेका थिए । उनले फोनमा भनेका थिए – ‘मैले एकजनालाई गोली हानें । मर्यो कि ज्यूदै छ थाहा भएन ।’

प्रहरी घटनास्थलमा प्रहरी पुग्दा छेवाङ मृत भेटिएका थिए । गोली हानेका घिमिरे चाहिँ त्यहाँबाट भागेका थिए । घटनास्थलबाट घिमिरे मिसिसिपीको लाइसेन्स प्लेट भएको कालो क्राइस्लर गाडीमा भागेका थिए । घिमिरे र छेवाङ रुममेट समेत रहेको जनाइएको छ । छेवाङको शरिरमा धेरैपटक गोली चलाइएको पाइएको छ ।