![युवा संघले ब्युँतायो युथफोर्स, क्षितिज थेवे बने कमाण्डर युवा संघले ब्युँतायो युथफोर्स, क्षितिज थेवे बने कमाण्डर](https://www.nepalpress.com/wp-content/uploads/2021/07/youba-sang1.jpg)
युवा संघले ब्युँतायो युथफोर्स, क्षितिज थेवे बने कमाण्डर
![](https://www.nepalpress.com/wp-content/uploads/2020/11/nepalpress-logo-n.png)
नेपाल प्रेस
२०७८ असार २९ गते १३:३२
२०७८ असार २९ गते १३:३२
काठमाडौं । नेकपा एमालेको भ्रातृ संगठन राष्ट्रिय युवा संघ नेपालले युथ फोर्स ब्युँताएको छ । शान्ति प्रक्रियालगत्तै माओवादी वाईसीएलको ज्यादतीविरुद्ध एमालेले २०६५ सालमा युवा संघले तत्कालीन कोषाध्यक्ष महेश बस्नेतको नेतृत्वमा युथफोर्स गठन गरेको थियो ।
युवा संघले मंगलबार पत्रकार सम्मेलनमार्फत युथफोर्स ब्युँतिएको घोषणा गरेको हो । युवा संघका इन्चार्ज महेश बस्नेतले युथफोर्सले विगतमा जस्तै सबैखाले ज्यादतीविरुद्ध जनताको सुरक्षा गर्नुपर्ने बताए ।
पुनःस्थापित युथफोर्सको प्रमुखमा युवा संघका वरिष्ठ उपाध्यक्ष क्षितिज थेवे र उपप्रमुख पुष्प श्रेष्ठ चयन भएका छन् । युथफोर्स ५०१ सदस्यीय रहने युवा संघका सचिव जय गुरुङले जानकारी दिए ।
![](https://www.nepalpress.com/wp-content/uploads/2020/11/nepalpress-logo-n.png)
प्रकाशित: २०७८ असार २९ गते १३:३२