जापानले नेपालसहितका एसियाली देशलाई ११ मिलियन अस्ट्राजेनेका खोप दिने

काठमाडौं । जापानले नेपालसहितका एसियाली मुलुकलाई यसै महीनामा आस्ट्राजेनेका खोप प्रदान गर्ने भएको छ ।

समाचार संस्था रोयटर्सका अनुसार जापानले कोभ्याक्समार्फत एसियाली मुलुकलाई दिने भनेको ११ मिलियन खोपबाट नेपालले खोप प्राप्त गर्ने भएको छ ।

नेपालसहित, बंगलादेश, कम्बोडिया, इरान, लाओस, श्रीलंका र प्रशान्त क्षेत्रीय मुलुकले सो परिमाणबाट खोप प्राप्त गर्ने जापानी विदेशमन्त्री तोसिमित्सु मोतेगीको भनाई उध्दृत गर्दै रोयटर्सले जनाएको छ ।

जापानले बिहीबारदेखि ताइवान, इन्डोनेसिया र भियतनाममा प्रतिदेश १ मिलियन डोज खोप आपूर्ति गर्दैछ । जापानले कोभ्याक्सलाई १ बिलियन डलर र ३० मिलियन डोज खोपको प्रतिबद्धता जनाएको छ ।

तस्विर : नेपालका लागि जापानी राजदूत किकुता युतुका