एन्जेलिना जोली र गायक विकेन्ड डेटिङमा !

लस-एन्जल्स । ब्राड पिटसँग डिभोर्स गरेपछि हलिउड डीभा एन्जेलिना जोली अहिले सिंगल छिन् । अर्कोतर्फ, सेलेना गोमेजसँग ब्रेकअप भएपछि गायक विकेन्ड एक्ला छन् ।

अहिले हलिउडमा जोली र विकेन्डबीच डेटिङ चलिरहेको गसिप छ । किनभने, उनीहरु केही सातायता धेरैपटक सँगै देखिएका छन् । हलिउड लाइफ म्यागजिनका अनुसार लस एन्जल्समा सँगै डिनर गरेपछि उनीहरुले फ्यानहरुलाई चौकाएका थिए ।

त्यसको एकदिनपछि उनीहरु लस-एन्जल्सको एक कन्सर्टमा सहभागि भए । एन्जेलिनाले आफ्ना दुई छोरीलाई पनि कन्सर्टमा सँगै ल्याएकी थिइन् । जारी तस्विरहरुमा यी दुईजना रमाइलो गरिरहेको देखिएको छ ।

गत जुन ३० मा लस एन्जल्सको एक चर्चित रेष्टुराँमा सँगै डिनर गरेपछि यी दुईजनाको फोटो सार्वजनिक भएको थियो । पूर्वपति ब्राड पिटसँग कस्टडीको युद्ध लडिरहेकी एन्जेलिना यही समयमा विकेन्डसँग अफेयरमा रहेको हल्ला चलेको हो ।