महामारीपछि मार्भलको पहिलो फिल्म रिलिज, सुपरहिरोइन ‘ब्ल्याक विडो’ हलमा

न्यूयोर्क । कोरोनाभाइरस महामारीपछि पहिलोपटक हलिउड स्टुडियो मार्भलले आफ्नो पहिलो फिल्म रिलिज गरेको छ । दुईवर्षअघि बक्सअफिसमा पैसा छाप्ने मार्भलले महामारीको कारण कुनैपनि फिल्म रिलिज गर्न सकेको थिएन ।

केही समयको ब्रेकपछि मार्भलले यो शुक्रबार उत्तर अमेरिकामा सुपरहिरोइन फिल्म ब्ल्याक विडो प्रदर्शनमा ल्याएको छ । के मार्भलले महामारी अगाडिजस्तै बक्सअफिस सफलता प्राप्त गर्नेछ भनेर हलिउडले चासोपूर्वक हेरिरहेको छ ।

‘निकै व्यग्रताको साथ फिल्म रिलिज हुँदैछ । सिंगो हलिउडकै लागि यो एउटा महत्वपूर्ण क्षण हो’ पप-कल्चरका विज्ञ केन्डल फिल्पसले भने, ‘मुख्य प्रश्न- के मार्भलले पुनः सफलता हासिल गर्न सक्ला ?’

स्कारलेट जोहान्सन स्टारर फिल्ममा उनलाई रुसी जासुसबाट सुपरहिरो नतासा रोमनअफमा रुपान्तरित एक पात्रको भूमिकामा देख्न सकिन्छ । सन् २०२३ सम्म मार्भलले १२ वटा फिल्मको पाइपलाइन घोषणा गरेको जसअन्तर्गत पहिलो रिलिज ब्ल्याक विडो हो ।

मार्भल यस्तो परिस्थितीमा सिनेमा घरमा पुनरागमन गरेको जतिबेला फिल्म हेर्ने दर्शकको भोक अनिश्चित बनेको छ ।